Këngëtari Labinot Tahiri, i njohur ndër vite për kontributet dhe të qenurit pranë popullit, është nderuar nga OVL UÇK, dega në Ferizaj, për kontributin dhe mbështetjen e vazhdueshme ndaj veteranëve, invalidëve të luftës dhe familjeve të dëshmorëve. Tahiri shkruan se ky vlerësim për të përbën jo vetëm një nder, por edhe një përgjegjësi për të vazhduar angazhimin në ndihmë të njerëzve që kanë dhënë kontribut për vendin.
”Për veteranët, invalidët dhe familjet e dëshmorëve, dera dhe zemra ime do të jenë gjithmonë të hapura”, është shprehur ai. Tahiri ka falënderuar deputetin dhe komandantin Elmi Reçica, bashkëluftëtarët dhe strukturat e OVL UÇK-së për mirënjohjen e ndarë, duke theksuar se respekti për sakrificën e pjesëtarëve të UÇK-së duhet të dëshmohet përmes veprave konkrete.
Labinot Tahiri ndër vite është përfshirë edhe në iniciativa të ndryshme humanitare, duke ofruar mbështetje për familje dhe persona që përballen me vështirësi ekonomike e sociale. Mirënjohja e marrë në Ferizaj vjen si një tjetër vlerësim për angazhimin e tij në jetën shoqërore dhe humanitare.
Postimi i plotë nga Labinot Tahiri
Mirënjohës nga zemra për këtë vlerësim nga OVL UÇK, dega Ferizaj. Kjo mirënjohje për mua është nder, por edhe përgjegjësi për të vazhduar tutje.
Për veteranët, invalidët dhe familjet e dëshmorëve, dera dhe zemra ime do të jenë gjithmonë të hapura. Gatishmëria ime për t’i mbështetur ata që sakrifikuan për lirinë tonë nuk do të mungojë asnjëherë.
Respekti për UÇK-në dhe sakrificën e saj dëshmohet me vepra, jo vetëm me fjalë. Faleminderit i nderuar deputet dhe komandant z. Elmi Reçica për vlersimin dhe mirenjohjen ndaj emrit tim dhe familjes sime, ku se bashku me ata shokë të luftës dhe OVL-në vendoset të më nderoni në këtë mënyrë e cila për mua ka vlerë.
Faleminderit për Mirënjohjen dhe respektin!
Në shërbim të shtetit dhe kombit,
Me respekt,
Labi, Kosovë e Shqipërisë.
