Një 32-vjeçar i arrestuar nga Policia e Vlorës ka humbur jetën këtë mëngjes, pasi është konstatuar në gjendje të rënduar shëndetësore në ambientet e dhomave të shoqërimit të Komisariatit të Policisë Vlorë.
Sipas informacionit paraprak të Policisë, ngjarja ka ndodhur rreth orës 09:50, kur shërbimet kanë konstatuar në gjendje të rënduar shëndetësore shtetasin E. Sh., 32 vjeç, banues në Vlorë.
Menjëherë është njoftuar shërbimi mjekësor dhe 32-vjeçari është transportuar në Spitalin Rajonal të Vlorës. Në orën 10:05, mjekët kanë konfirmuar se ai kishte humbur jetën.
Paraprakisht dyshohet se shkak i vdekjes ka qenë arresti kardiak.
E. Sh. ishte arrestuar në flagrancë më 29 gusht 2026, rreth orës 23:00, pasi dyshohej për veprën penale “Vjedhja”.
Rrethanat në të cilat 32-vjeçari humbi jetën po hetohen. a.b
