Një 45-vjeçar është proceduar penalisht pasi dyshohet se ka kanosur dhe fyer disa gazetarë gjatë një proteste të zhvilluar para Bashkisë Maliq.
Autoritetet nisën procedimi penal ndaj 45-vjeçarit A. A., banues në fshatin Libonik, për veprat penale “Kanosja për shkak të detyrës” dhe “Fyerja”.
Sipas Policisë, ngjarja ka ndodhur gjatë protestës së organizuar nga vetë 45-vjeçari, përpara Bashkisë Maliq. Gjatë protestës, ai dyshohet se ka kanosur dhe fyer gjashtë shtetas me profesion gazetarë, të cilët ndodheshin në protestë për të ushtruar detyrën e tyre.
“Ditën e sotme, gjatë protestës së organizuar nga shtetasi A. A., përpara Bashkisë Maliq, ky shtetas kanosi dhe fyeu shtetasit Xh. Sh., A. B., I. R., S. Xh., Dh. Ç. dhe E. Xh., me profesion gazetarë, të cilët ishin të pranishëm në protestë në ushtrim të detyrës së tyre”, thuhet në njoftimin e policisë.
Materialet procedurale janë referuar në Prokurorinë e Korçës për veprime të mëtejshme.