Interi e ka mbyllur pjesën e parë në avantazh ndaj Cagliarit, me shifrat 0-1, në sfidën e javës së dytë të Serie A që po zhvillohet në “Unipol Domus”.
Zikaltrit e gjetën golin që në minutën e 9-të. Hakan Çalhanoğlu realizoi me një goditje të saktë nga distanca, pas asistit të Nicolò Barella. Për turkun ky është goli i dytë në po kaq ndeshje këtë sezon.
Interi pati mundësi të dyfishonte avantazhin në minutën e 25-të, por Manuel Akanji nuk arriti të shfrytëzonte siç duhet një krosim të Dimarcos nga goditja e dënimit, duke e dërguar topin jashtë.
Tre minuta më vonë, ishte radha e Dimarcos të kërcënonte portën e Cagliarit, por goditja e tij me kokë u prit në mënyrë të shkëlqyer nga portieri Elia Caprile.
Në “Olimpico”, ndërkohë, Lazio po kryeson 1-0 ndaj Genoas, falë golit të shënuar nga Davide Frattesi në minutën e 25-të.