Korçë, defekt në rrjetin e ujit të pijshëm: lagjja nr. 17 pa furnizim, probleme edhe në zona të tjera

Banorët e lagjes nr. 17 në Korçë kanë mbetur pa ujë të pijshëm për shkak të një defekti në rrjetin e furnizimit.

Furnizimi është aktualisht i ndërprerë, ndërsa grupet e punës ndodhen në terren për të riparuar defektin. Banorë të zonave të tjera po raportojnë gjithashtu probleme.

Sipas Ujësjellës Kanalizime Korçë, furnizimi me ujë pritet të rikthehet në një kohë të shkurtër, sapo të përfundojë ndërhyrja në rrjet.