Kuvendi i Kosovës nuk e ka miratuar rezolutën e propozuar nga Partia Demokratike e Kosovës, e cila kërkonte masa urgjente për sigurimin e furnizimit të pandërprerë me barna për pacientët onkologjikë.
Në votim morën pjesë 44 deputetë. Për rezolutën votuan 42 deputetë, ndërsa dy abstenuan.
Rezoluta u propozua nga deputetja e PDK-së, Sala Jashari, pas interpelancës së ministrit të Shëndetësisë, Arben Vitia, lidhur me mungesën e barnave në Klinikën e Onkologjisë.
Përmes saj kërkohej që Ministria e Shëndetësisë dhe SHSKUK-ja të siguronin furnizim të rregullt me barna, të raportonin për mungesat gjatë vitit 2026 dhe të krijonin mekanizma për parandalimin e ndërprerjes së terapive.
Po ashtu, kërkohej shqyrtimi i mundësisë së rimbursimit të pacientëve që janë detyruar t’i blejnë vetë barnat për shkak të mungesës së tyre në institucionet publike.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
