Shkodër/ Përmbytje në Theth, uji del nga kanalet dhe rrezikon banesat, raportohen dëme në bagëti dhe ndërprerje të energjisë elektrike

Reshjet e dendura të shiut kanë shkaktuar probleme në zonën e Thethit, ku janë regjistruar përmbytje, ndërsa situata paraqitet më problematike në Fushë-Theth.

Sipas raportimeve, përmbytjet kanë nisur që mbrëmjen e kaluar, ndërsa përveç reshjeve intensive, uji ka dalë edhe nga kanalet, duke rrezikuar disa banesa në zonë.

Mësohet se në banesën e Ded Drenit janë shkaktuar dëme në bagëti si pasojë e daljes së ujit.

Krahas përmbytjeve, banorët e Thethit raportojnë edhe probleme me furnizimin me energji elektrike.