Një 40-vjeçar shqiptar është dënuar me 9 vite e 9 muaj burg nga Gjykata Rajonale e Ingolstadtit në Gjermani, pasi është shpallur fajtor si drejtues i një grupi kriminal që merrej me trafikimin dhe shitjen e kokainës.
Sipas raportimeve të mediave gjermane, grupi dyshohet se kishte sjellë rreth 12 kilogramë kokainë në qytetin e Ingolstadtit, ku më pas e shpërndante dhe e shiste atë.
Gjykata e konsideroi 40-vjeçarin si drejtuesin e këtij rrjeti, duke i dhënë një dënim të rëndë me burg.
Sipas hetimeve, banda kishte sjellë në qytet një sasi prej rreth 12 kilogramësh kokainë, e cila më pas ishte hedhur në tregun e paligjshëm. Rasti është pjesë e një hetimi më të gjerë për aktivitetin e grupeve të organizuara të trafikut të drogës në këtë zonë të Gjermanisë.
Ndërkohë, çështja nuk konsiderohet e mbyllur, pasi javën e ardhshme pritet të nisë një tjetër proces gjyqësor për trafik droge në të njëjtin qytet.
