Përplasja fatale në fushë, portieri Ovono i ka kërkuar Andorrës të ndërmjetësojë një takim me familjen e Jesus de Migel

Jesus Ovono ka kërkuar të takohet me familjen e futbollistit të ndjerë të Tenerifes, Jesus de Miguel. 
Portieri i Andorrës u përplas me de Migel e cila solli vdekjen e futbollistit.

Mësohet se ai aktualisht është i mbyllur në shtëpinë e tij. Ai nuk është rikthyer në ekipin e tij dhe ende nuk dihet se kur do të ndodhë kjo. 

Ovono gjithashtu mësohet po flet me psikologë dhe i ka kërkuar Andorrës të ndërmjetësojë për të takuar familjen e de Miguel. Ekipi i portierit 25-vjeçar ka folur me Tenerife-n dhe e gjithë çështja është ende nën hetim. 

Ovono donte të fliste me familjen në telefon menjëherë pas incidentit dhe të ishte në funeral. Në fund, u preferua nga të gjitha palët që të mos merrte pjesë.

“Duhet t’i japim hapësirë ​​në mënyrë që të ndihet plotësisht i lirë të marrë çdo vendim, pavarësisht nëse dëshiron të kthehet apo jo, kurdo që e sheh të arsyeshme dhe të jetë gati”, tha trajneri i Andorrës, Carles Manso.

Klubi i ka ofruar mbështetje psikologjike të gjithë skuadrës në seanca grupore ose individuale.