Detyrimi ligjor për pajisjen e automjeteve me mjete dimërore në Maqedoninë e Veriut nis më 15 nëntor.
Policia do të zhvillojë kontrolle në rrugë dhe drejtuesit që nuk respektojnë kërkesat do të gjobiten me 45 euro, në kundërvlerë denarësh.
Të lidhura
None found
Rregulli do të jetë në fuqi deri më 15 mars të vitit të ardhshëm dhe zbatohet pavarësisht nëse në rrugë ka borë ose ngrica.
Për automjetet me peshë deri në 3.500 kilogramë kërkohen goma dimërore në të katër rrotat, me profil të paktën 4 milimetra. Alternativë janë gomat verore me profil minimal 4 milimetra, të shoqëruara me zinxhirë bore për rrotat lëvizëse.
Ndërkohë, automjetet me katër rrota aktive (4×4) duhet të përdorin goma dimërore me profil minimal 6 milimetra, ose goma verore me profil të paktën 4 milimetra dhe zinxhirë bore për së paku boshtin e pasmë.
Autoritetet u kërkojnë drejtuesve që të marrin masat e nevojshme në kohë, në mënyrë që të shmangin rrezikimin e vetes dhe të pjesëmarrësve të tjerë në trafik.
