Italia dhe Franca rikthehen në fushë për një tjetër përballje të rëndësishme në Ligën e Kombeve. Pas barazimit 1-1 në ndeshjen e zhvilluar në “Stade de France”, dy përfaqësueset do të përballen këtë herë në “San Siro”, në kuadër të javës së pestë të grupit 1 të Ligës A.

Tashmë janë publikuar formacionet zyrtare, me trajnerët Roberto Mancini dhe Zinedine Zidane që kanë zgjedhur skemën 4-3-3.

Në kampin italian nuk ka surpriza të mëdha. Në mesfushë do të luajnë Frattesi, Tonali dhe Nicolò Barella, ndërsa vëmendja kryesore në sulm është te vëllezërit Pio dhe Sebastiano Esposito, të cilët do të formojnë repartin ofensiv së bashku me Cambiaghin.

Në mbrojtje, Calafiori ka fituar konkurrencën me Dimarcon për pozicionin e mbrojtësit të majtë.

Nga ana tjetër, Franca e Zidane do të luajë me Désiré Doué në qendër të sulmit, i mbështetur nga Bradley Barcola dhe Michael Olise. Në mesfushë, Da Cunha do të jetë titullar, së bashku me Rabiot dhe Cherki.

Përballja në Milano ka rëndësi të veçantë për përcaktimin e vendit të parë në grup, ndërsa të dyja skuadrat synojnë të mbyllin fazën në pozicionin më të mirë të mundshëm.