Një sulm me armë zjarri në Logan Circle të Washington DC, më pak se një milje nga Shtëpia e Bardhë, ka lënë të vdekur një person dhe ka plagosur katër të tjerë.
Gjatë një konference për shtyp, shefi i përkohshëm i Policisë së Washingtonit, Jeffrey W. Carroll, konfirmoi se personi që humbi jetën ndërroi jetë në vendngjarje.
Të lidhura
None found
Katër të plagosurit u dërguan në spital. Njëri është në gjendje kritike, ndërsa plagët e tre të tjerëve, sipas të dhënave paraprake, nuk u rrezikojnë jetën.
Policia tha se njoftimi për ngjarjen mbërriti pak para orës 08:00, sipas orës lokale. Efektivët u nisën menjëherë dhe arritën në vend brenda 30 sekondave nga marrja e njoftimit.
Ngjarja ndodhi brenda dhe jashtë qendrës së fitnesit Vida Fitness, në Logan Circle. Dëshmitarët përshkruan panikun dhe thanë se, në fillim, zhurmën e ngatërruan me rënien e një objekti ose me shpërthimin e një topi ushtrimesh.
Pas sulmit, autori dyshohet se u barrikadua në një ndërtesë në bllokun 1500 të rrugës 15th Street NW. Situata emergjente solli mobilizimin e forcave të shumta policore.
Në zonë shkuan dhjetëra automjete emergjence dhe efektivë të disa agjencive ligjzbatuese, mes tyre FBI-ja dhe Shërbimi i Sigurisë Kombëtare (HSI). Policia rrethoi disa blloqe përreth, ndërsa autoritetet u kërkuan qytetarëve ta shmangin zonën dhe të qëndrojnë larg vendngjarjes.
Identiteti i autorit dhe motivet e sulmit nuk janë bërë ende të ditura. Autoritetet nuk kanë dhënë hollësi të plota për rrethanat e ngjarjes, ndërsa policia vijon hetimet për zbardhjen e saj.
