Jude Bellingham, 23 vjeç, futbollist i Real Madridit dhe i kombëtares së Anglisë, ka treguar se nuk di as të gatuajë, as të drejtojë makinën. Në një intervistë për British Vogue, ai tha se ndihet i pjekur në fushë, por jo po aq i pavarur në jetën e përditshme.
Bellingham u shpreh se është i zoti në atë që bën si futbollist, ndërsa për shumë gjëra të tjera ka nevojë për ndihmë. Për punët e përditshme mbështetet te familja dhe miqtë, përfshirë nënën e tij Denise, e cila jeton me të në Madrid. Atë e ndihmojnë edhe një kuzhiniere dhe një pastruese.
Të lidhura
None found
Edhe pse nuk ka patentë shoferi, Bellingham ka krijuar një koleksion makinash luksoze. Sipas The Sun, ai zotëron shtatë automjete, me një vlerë të përgjithshme të përllogaritur në rreth 1.26 milion euro.
Makina më e shtrenjtë e koleksionit është një Lamborghini Urus Performante, që kushton rreth 250,000 euro, por Bellingham nuk mund ta drejtojë vetë.
