Rritet bilanci i viktimave nga shembja e një ndërtesë  në New York, 8 të vdekur dhe 17 të plagosur

Është rritur bilanci i viktimave pas shembjes së një ndërtese trekatëshe në Brooklyn të Nju Jorkut, teksa raportohet për 8 të vdekur dhe 17 të plagosur.

Lajmi u bë i ditur nga kryebashkiaku i Nju Jorkut, Zohran Mamdani, dhe tregon se operacionet e kërkim-shpëtimit vijojnë ende.

Nga 17 personat e plagosur, katër ndodhen në gjendje kritike. Autoritetet po përballen me kushte jashtëzakonisht të rrezikshme gjatë ndërhyrjes në rrënojat e ndërtesës.

Pamjet ajrore nga vendngjarja tregojnë një numër të madh ekipesh të emergjencës duke kërkuar për të mbijetuar nën rrënoja. Forcat e shpëtimit po përdorin edhe pajisje të posaçme për të prerë dhe larguar pjesët e shembura të ndërtesës.

Më shumë se 250 zjarrfikës janë angazhuar në operacion, ndërsa ekipet vijojnë kërkimet për persona të tjerë që mund të kenë mbetur të bllokuar nën rrënoja.

Shkaqet që çuan në shembjen e ndërtesës nuk janë bërë ende të ditura