Michael Carrick është shkarkuar nga detyra e trajnerit të Manchester United, ndërsa Mauricio Pochettino pritet ta zëvendësojë atë.

Carrick largohet më pak se gjashtë muaj pasi nënshkroi një kontratë dyvjeçare, pasi drejtoi klubin në fillimin më të dobët ndonjëherë në një sezon të Premier League, duke e lënë United-in në zonën e rënies nga kategoria, pas vetëm një fitoreje në 10 ndeshje.

Në një deklaratë të enjten në mëngjes, pak pasi Carrick u largua nga fusha stërvitore, United njoftoi se kishte arritur në “përfundimin jashtëzakonisht të vështirë se një ndryshim është i nevojshëm për të përmbushur ambiciet tona“.

United, i cili ka një marrëveshje me trajnerin e SHBA-së, Pochettino, thotë se synon të emërojë një pasardhës të përhershëm “sa më shpejt të jetë e mundur“.

Siç qëndrojnë gjërat, argjentinasi ka të ngjarë të mbetet në krye të Amerikës edhe për dy ndeshjet kundër Haitit të shtunën dhe të mërkurën, përpara se të fillojë punën të enjten e ardhshme.

Pochettino ka një klauzolë lirimi prej 7 milionë eurosh në kontratën e tij të sapo nënshkruar me SHBA-në.

Të mërkurën, Carrick drejtoi stërvitjen në Mançester, ndërsa United arriti një marrëveshje verbale me Pochettino. Ndërkohë, drejtuesit e klubit ndodheshin në një takim në Monako me bashkëpronarin Sir Jim Ratcliffe. Aty u morr edhe vendimi për shkarkimin e Carrick.