Një marrëveshje e re kolektive parashikon përmirësimin e kushteve të punës dhe të gjendjes materiale të punonjësve në prokurori. Sipas Prokurorit Publik të Shtetit, Nenad Saveski, pagat e tyre mund të rriten deri në 40 përqind, por ndryshimi do të zbatohet me faza.
Në emisionin “Click Plus” të “TV21”, Saveski sqaroi se nuk bëhet fjalë për një rritje të menjëhershme. Synimi është që, gjatë një periudhe të caktuar, të ardhurat të arrijnë një nivel deri në 40 përqind mbi atë aktual.
Të lidhura
None found
Sipas tij, kushte më të mira financiare mund të nxisin motivimin dhe profesionalizmin e punonjësve, si edhe të zvogëlojnë rrezikun e korrupsionit.
Zgjidhja e re pritet të forcojë statusin e punonjësve dhe të ndihmojë që sistemi i prokurorisë të funksionojë më me efikasitet.
