BDI-ja dhe VLEN-i ndahen nga vetëm 0,8 pikë përqindjeje, sipas të dhënave të tre sondazheve të zhvilluara gjatë tetorit dhe të bëra publike nga kryeministri Hristijan Mickoski në një takim me gazetarët.
Rezultatet tregojnë se BDI-ja siguron 7,9% të mbështetjes, ndërsa VLEN-i renditet me 7,1%, duke konfirmuar garën e ngushtë mes dy forcave politike shqiptare.
Të lidhura
None found
Në rang vendi, VMRO-DPMNE kryeson me 24% mbështetje. Pas saj vijnë LSDM me 8,5%, Levica me 6% dhe ZNAM me 2%.
Përmbledhja bazohet në tri anketa të kryera gjatë muajit tetor: dy prej tyre janë realizuar në terren, ndërsa e treta është zhvilluar përmes telefonit.
Sipas qytetarëve, problemet më të rëndësishme ku duhet të përqendrohet Qeveria janë korrupsioni dhe kriminaliteti, të cilat kanë marrë 33%, si dhe ekonomia dhe standardi i jetesës, me 27%.
