Ministri i Mbrojtjes, Ejup Maqedonci, Komandanti i FSK-së, gjenerallejtënant Bashkim Jashari, dhe Drejtori i NALT-it, gjeneral brigade Thomas Schulte-Borghoff, zhvilluan një vizitë te dy ekipet mjekësore të Forcës së Sigurisë së Kosovës, që aktualisht ndodhen në procesin e validimit për kapacitetet mjekësore Role 1.
Gjatë takimit, delegacioni u informua për përgatitjen profesionale të ekipeve, shkallën e gatishmërisë së tyre, aftësitë operacionale dhe përparimin e procesit të validimit.
Të lidhura
None found
Vlerësimi po kryhet nga Qendra e Ekselencës së NATO-s për Mjekësinë Ushtarake dhe synon të ndihmojë në përmirësimin e shërbimeve shëndetësore të FSK-së, ngritjen e standardeve profesionale dhe përafrimin e tyre me kërkesat e Aleancës Veri-Atlantike.
Procesi i validimit të kapaciteteve Role 1 pasqyron angazhimin e FSK-së për profesionalizim të mëtejshëm, zhvillim të vazhdueshëm dhe forcimin e aftësive në përputhje me standardet e NATO-s për mjekësinë ushtarake.
