Frenkie De Jong kujton periudhën kur ndante dhomën e zhveshjes me Lionel Messin te Barcelona, nga viti 2019 deri më 2021, dhe mënyrën e veçantë se si argjentinasi ushtronte lidershipin.

“Kam pasur përvojën ta kisha Messin kapiten. Ai nuk bërtiste kurrë, por ishte lideri i padiskutueshëm”, – deklaroi mesfushori holandez në një intervistë për “Sport”.

Sipas De Jong, Messi impononte autoritetin përmes pranisë dhe shembullit të tij, pa pasur nevojë për fjalime të gjata apo gjeste demonstrative.

Duke iu referuar mundësisë për ta mbajtur shiritin e kapitenit te Holanda, në mungesë të Virgil van Dijk për shkak dëmtimi, De Jong tha: “Me shiritin do të isha diku mes Messit dhe Van Dijk. Do të ishte një nder i madh nëse ndodh”.

Mesfushori foli edhe për trajnerin Xavi Hernandez, ish-trajnerin e tij te Barcelona dhe tashmë në krye të Holandës: “Është shumë i qartë në idetë e tij dhe në atë që dëshiron të shohë. Kam vënë re disa skema tipike të futbollit të tij në ndërtimin e lojës. Fakti që ka qenë edhe vetë mesfushor e bën gjithçka edhe më interesante”.