"Si kryeministër dhe qeveri shtetformuese, politikan shtetformues, natyrisht se do të bëj çmos për të gjetur zgjidhje për një problem që po ndodh në vend dhe nuk do ta injoroj atë problem, njësoj siç bëja në opozitë kur ndodhte kriza energjetike, kur ofroja ndihmën dhe mbështetjen time në të gjithë procesin dhe nuk qëndroja anash", theksoi Hristijan Mickoski, në debatin mbikëqyrës në Kuvend për Alta Bankën.
Ai theksoi se po hyn në një proces në të cilin do të gjendet një zgjidhje dhe do të shpëtohen fillimisht ata të punësuar që janë në vetë bankën, e më pas edhe ata kreditorë që ndodhen atje, duke shtuar se banka është likuide dhe se Banka Popullore ka reaguar në kohë dhe sipas rregullave.
"Qëndroj në qëndrimin, jo vetëm unë, por me siguri edhe dëshmitarët që po ndjekin, se kjo bankë është absolutisht një bankë likuide, se sistemi ynë ka mekanizma për ta mbajtur atë të qëndrueshme dhe se sistemi ynë brenda kornizës së funksionimit të kësaj banke e ka mbajtur atë të tillë siç është".
"Mekanizmat që i ka në dispozicion Banka Popullore ndërhynë në kohë, sipas të gjithë njohësve me të cilët u konsultova, të gjithë ata thonë se është vepruar absolutisht në kohë, është vepruar sipas rregullave, me qëllim që të shpëtohet ky institucion financiar", theksoi kryeministri Mickoski.
Ai shtoi se me hapat që janë ndërmarrë dhe ata që pasojnë mbrohet interesi i qytetarëve dhe i shtetit dhe do të arrihet te një zgjidhje në të cilën kjo bankë nuk do të falimentojë si Eurostandard në kohën e LSDM-së.
"Më në fund do të arrijmë në një zgjidhje në të cilën kjo bankë nuk do të falimentojë, siç ishte rasti me Eurostandard, e cila falimentoi pasi pak ditë më parë ministri i financave, ministër në qeverinë e LSDM-së dhe BDI-së, tërhoqi depozitën e tij të kursimit, gjë që paraqet një skandal. Ky është thelbi në këto gjëra", deklaroi kryeministri Mickoski.
Lidhur me bisedën me guvernatorin Trajko Sllaveski, kryeministri Mickoski tregoi se ditët e kaluara nga një parti politike janë përhapur të pavërteta dhe e gjithë kjo është spinuar, sepse është normale dhe logjike që kur të ndodhë një blerje e një banke, kryeministri ta mësojë nga Banka Popullore, e jo ta mësojë nga mediat.
