Një debat i ashpër dhe me tone të larta ka shpërthyer në parlamentin e Izraelit gjatë fjalimit të kryeministrit Benjamin Netanyahu, pasi ish-kryeministri Naftali Bennett e ndërpreu atë, duke ngritur pikëpyetje për Katarin dhe hetimet mbi sulmin e 7 tetorit 2023.
Në përplasjen verbale u përfshi edhe bashkëshortja e kryeministrit, Sara Netanyahu, e cila nga vendi i saj iu drejtua me tone të ashpra Bennett-it, duke e quajtur “të pavlerë” dhe “të paturpshëm”.
Gjithçka nisi kur Bennett ndërpreu fjalimin e Netanyahut, duke e pyetur për këshilltarët e tij që, sipas tij, kishin lidhje me Katarin, si dhe për hetimin mbi ngjarjet e 7 tetorit.
“Po këshilltarët tuaj nga Katari? A janë mirë? Po hetimi për ngjarjet e 7 tetorit?”, iu drejtua Bennett kryeministrit.
Në debat ndërhyri edhe ministri i Sigurisë Kombëtare, Itamar Ben-Gvir, i cili sulmoi verbalisht ish-kryeministrin, duke e akuzuar se bashkëpunon me Listën e Përbashkët Arabe.
“O njeri i paturp! Je ulur me Listën e Përbashkët dhe do të flasësh?! Je një zero pa vlerë!”, bërtiti Ben-Gvir.
Kryetari i parlamentit, Amir Ohana, u përpoq të qetësonte situatën, duke u kërkuar deputetëve të ruanin rendin dhe respektin gjatë seancës. Por Bennett reagoi duke ia kthyer: “Ai është ai që nuk respekton askënd!”.
Situata u tensionua edhe më shumë kur Sara Netanyahu iu bashkua përplasjes, duke iu drejtuar Bennett-it nga vendi i saj me thirrjet:
“Po rri me Listën e Përbashkët Arabe! O njeri i pavlerë! Turp të kesh! I paturp!”.
Ndërkohë, Bennett, kreu i opozitës Gadi Eisenkot dhe deputetë të tjerë vijuan të shkëmbenin komente dhe të qeshura gjatë fjalimit. Kryeministri Netanyahu priti që zhurma në sallë të ulej përpara se të rifillonte fjalën e tij.
Përplasjet vijuan edhe gjatë pjesëve të tjera të seancës. Disa deputetë arabë u larguan nga salla për të shmangur qëndrimin në këmbë gjatë interpretimit të himnit kombëtar izraelit, “Hatikvah”.
Nga ana tjetër, Ben-Gvir dhe deputetë të partisë së tij, Otzma Yehudit, ndërprenë edhe fjalën e kreut të opozitës Gadi Eisenkot, duke ngritur zërin për mungesën e përfaqësuesve të Listës së Përbashkët dhe partisë Ra’am në sallë.
Megjithatë, kreu i Ra’am, Mansour Abbas, qëndroi në parlament gjatë himnit, së bashku me deputetin hebre të kësaj partie, Yoav Segalovich. Ata dukeshin të ishin të vetmit përfaqësues të partive arabe të pranishëm në sallë në atë moment.
Përplasja e fundit në Knesset u shënua nga akuza politike, ndërprerje të njëpasnjëshme dhe përplasje personale, duke e kthyer seancën parlamentare në një skenë kaotike.
⛔️ Sara Netanyahu confronts Naftali Bennett during uproar at Knesset swearing-in event ‼️
▪️ After the 26th Knesset was sworn in today, wanted war criminal Netanyahu spoke at the traditional faction leaders’ photo event in the Knesset’s Chagall Hall, calling for a “national unity government” while attacking Arab parties, according to Ynet: https://t.co/OoSSdkvEWu
▪️ Ynet and JFeed report that Beyachad chairman Naftali Bennett interrupted him, shouting about “your Qatari advisers,” an October 7 investigation, and why Qatar is not declared an enemy state. https://t.co/GYVts0LbqI
▪️ Otzma Yehudit chairman Itamar Ben-Gvir then shot back that Bennett “want[s] to sit with the Joint List and [is] talking,” Ynet reported.
▪️ During the uproar, Sara Netanyahu was seen confronting Bennett, Ynet said: https://t.co/9PvZZzk6xm — JFeed reported she shouted at him: “What about the servants’ alliance?”
▪️ The footage is from the official Knesset Channel. Ynet also reported that Democrats chairman Yair Golan walked out in protest and MK Gilad Kariv was removed from the hall.
📹 Knesset Channel, Nov. 10, 2026
— Dr.Sam Youssef Ph.D.,Ph.D.,PsyThD. (@drhossamsamy65) November 11, 2026
