Në qytetin slloven të Trbovljes, një oxhak industrial 360 metra i lartë u bë pikënisja e një sfide të sporteve ekstreme. Spanjolli Dani Román dhe francezi Fred Fugen u lëshuan në ajër më 5 nëntor nga maja e tij, duke përdorur një sistem të posaçëm katapultimi të ndërtuar brenda oxhakut më të lartë industrial në Evropë.
Katapulta 60 metra e gjatë i çoi atletët nga zero në 180 kilometra në orë për vetëm 2.15 sekonda dhe i shtyu vertikalisht drejt qiellit.
Të lidhura
None found
Menjëherë pas lëshimit, ata përjetuan për pak çaste mungesën e peshës. Më pas kaluan në rënie të lirë dhe hapën parashutat për t’u ulur të sigurt, sipas News Bomb.
Sfida përfundoi me dy rekorde të reja Guinness. Në provën individuale, Dani Román u ngrit 100.36 metra mbi pikën e lëshimit, lartësia më e madhe e arritur nga një person përmes një katapulte njerëzore.
Rekordi i dytë u vendos gjatë lëshimit të përbashkët: Román dhe Fugen arritën së bashku 151 metra lartësi mbi pikat përkatëse të nisjes.
Pas projektit qëndron ekipi slloven Dunking Devils Squad. Ndërtimi i sistemit të posaçëm, të pajisur me një mekanizëm gjigant sustash, kërkoi dy vite e gjysmë punë.
