Pas javës së 11-të, “Abissnet Superiore” ka ndërprerë ndeshjet për t’u lënë vend takimeve të kombëtareve. Renditja në këtë moment tregon një garë të hapur në dy drejtime: për zonën evropiane dhe për mbijetesën.
Të lidhura
None found
Duke lënë jashtë Dinamon dhe Tiranën, Skënderbeun e vendit të 5-të e ndajnë vetëm 4 pikë nga Partizani, që mban vendin e fundit. Kjo diferencë e vogël bën që humbja e njërës skuadër të kthehet në përfitim për një tjetër. Rezultatet e javës së 11-të e dëshmuan këtë lëvizje të vazhdueshme, ndërsa ekipet përpiqen t’i prishin planet njëra-tjetrës.
Në ndeshjet që vijnë, çdo pikë do të ketë peshë dhe çdo gabim mund të shfrytëzohet nga rivalët. Kjo përballje taktike mes skuadrave po i jep Superiores një pamje tjetër nga ajo e edicioneve të kaluara.
