Sulmuesi i Real Madridit, Endrick, ka folur hapur nga grumbullimi me kombëtaren braziliane për të ardhmen e tij. Ai pranoi se nuk e di se çfarë do të sjellë muaji janar për të. Braziliani 20-vjeçar theksoi se dëshira e tij e vetme është të luajë dhe të ndihet i lumtur.
Gjithashtu pranoi se vendimi për të ardhmen nuk është në duart e tij. Kështu, e ardhmja e Endrick mbetet e hapur, ndërsa ai pret zhvillimet e janarit me qetësi dhe besim te Zoti. Ai shtoi se uron më të mirën për karrierën e tij.
Nuk e di se çfarë do të ndodhë në janar, tha ai, dhe kjo çështje është në dorë të Zotit. “Jam ende vetëm 20 vjeç, ndaj do të shoh se si do të shkojnë gjërat. E vetmja gjë që dua është të luaj, të ndihem i lumtur dhe të ndihmoj shokët e mi të skuadrës”, u shpreh Endrick gjatë grumbullimit me Brazilin.
“Ajo që duhet të ndodhë, do të ndodhë. Do të mbetem modest dhe do të vazhdoj të jap më të mirën nga vetja”, theksoi ai. Sulmuesi vuri në dukje se Madridi është një qytet i mrekullueshëm.
Por shtoi se gjithmonë do të bëjë atë që është e nevojshme për të përparuar në karrierën e tij. Endrick pati gjithashtu një mesazh për trajnerin e tij, Jose Mourinho, për të cilin tha se ka besim të madh. Sipas brazilianit, Mourinho e kontakton çdo ditë, jo për të folur për futbollin, por për t’u interesuar për jetën e tij personale. “Kujdesi dhe dashamirësia që më tregon Mourinho më japin një motivim edhe më të madh për të dhënë maksimumin”, deklaroi ai.