Një vitaminë e zakonshme, natyrale mund të jetë çelësi për të luftuar plakjen, sipas një studimi Një vitaminë e zakonshme rrit aktivitetin e gjeneve duke i mbajtur trupat tanë të rinj. Një vitaminë e zakonshme rrit aktivitetin gjenetik duke e mbajtur trupin tonë të ri. Studiuesit tregojnë se, në modelet laboratorike të lëkurës njerëzore të kultivuara, vitamina C ‘trashi’ ndjeshëm epidermën shtresën më të jashtme e të gjallë të lëkurës, duke rivendosur funksionin e gjeneve përgjegjëse për rritjen qelizore. Më tej, përqendrimet e përdorura në studim ishin të ngjashme me ato që arrijnë në lëkurë përmes qarkullimit të gjakut, çka sugjeron se marrja e përditshme e vitaminës C përmes dietës mund të ketë vërtet efekte të dukshme kundër plakjes.
Kërkimi nxjerr në pah se vitamina C përmirëson shëndetin e lëkurës përmes ndryshimeve epigjenetike: ajo ndihmon enzimat që kryejnë modifikimin e ADN-së një hap thelbësor për aktivizimin e gjeneve dhe rigjenerimin qelizor. Ky efekt stimulon shumëzimin e keratinociteve, duke krijuar një shtresë më të trashë dhe më të fortë të lëkurës, e cila normalisht hollohet me kalimin e viteve. Rezultatet, të botuara në Journal of Investigative Dermatology, sugjerojnë se vitamina C mund të jetë një armë e vlefshme kundër hollimit të lëkurës që vjen si pasojë e moshës dhe për të rritur rezistencën e lëkurës, veçanërisht tek të moshuarit.
