Katër shtetas të Turqisë janë arrestuar në Prizren, nën dyshimin për kryerjen e veprave penale “Shtrëngim”, “Privim i kundërligjshëm nga liria” dhe “Lëndim i lehtë trupor”.
Sipas njoftimit të Policisë, të dyshuarit fillimisht e kanë sulmuar fizikisht një shtetas turk. Më pas, ata e kanë futur atë në një veturë dhe e kanë mbajtur për 12 orë kundër vullnetit të tij në një shtëpi private.
Në lidhje me rastin, si provë materiale është sekuestruar edhe një veturë.
Me vendim të prokurorit, katër të dyshuarit janë dërguar në mbajtje.