Komisioni Hetimor Parlamentar për rastin e vrasjes së Arlinda Zekajt ka pranuar raportin nga Zyra e Kryeministrit (ZKM), të përpiluar nga Ministria e Drejtësisë dhe Ministria e Punëve të Brendshme.
Deputeti Eman Rrahmani ka thënë se raporti ka ardhur me vonesë, pasi, sipas tij, një raport i tillë deri më tani nuk ka ekzistuar.
“Ka ardhur me vonesë, për shkak se ai raport deri tash s’ka ekzistuar”, ka deklaruar Rrahmani, raporton gazetarja e TV Dukagjinit, Blerta Zuka.