Fifi sërish në pritje të ëmbël, këngëtarja zbulon lajmin e bukur

Këngëtarja e njohur Fifi ka ndarë me ndjekësit një lajm të veçantë nga jeta e saj personale. Artistja është në pritje të ëmbël për herë të dytë, duke konfirmuar kështu se familja e saj do të zgjerohet me një tjetër pjesëtar.

Për të bërë publik lajmin, Fifi ka zgjedhur një mënyrë krejt të veçantë dhe me humor. Përmes një videoje të publikuar në rrjetet sociale, ajo shfaqet duke lënë të kuptohet se është shtatzënë, ndërsa shoqëron momentin me fjalët: “Mos më shqetësoni se kam gajlet e mia, më duket se jam shtatzënë”.

Njoftimi ka ngjallur interes dhe emocione te ndjekësit e këngëtares, të cilët kanë pritur me entuziazëm këtë zhvillim të bukur në jetën e saj.

Fifi e përjetoi për herë të parë mëmësinë pas ardhjes në jetë të djalit të saj, Theo Mal. Tashmë, ajo dhe familja e saj përgatiten për një kapitull të ri, teksa këngëtarja pritet të përjetojë sërish emocionet e ardhjes në jetë të një fëmije.