Sigal Prishtina ka triumfuar 80:79 ndaj Pejës në palestrën “Karagaçi”, falë një tresheje të realizuar në sekondat e fundit të përballjes.
Takimi u ndërpre për disa minuta gjatë çerekut të katërt, pasi pranë bankës së ekipit prishtinas u hodh një mjet plasës. Pas kësaj, arbitrat urdhëruan lojtarët të largoheshin drejt dhomave të zhveshjes.
Të lidhura
None found
Gjatë ndeshjes pati gjithashtu tensione mes tifozëve pejanë dhe Malcolm Arsteadit të Sigal Prishtinës. Në përfundim, fitoren e festuan skuadra dhe përfaqësuesit e Prishtinës.
Në ndeshjen tjetër, Bora mposhti Vëllaznimin e Gjakovës me shifrat 79:72, pas një dueli dramatik që u vendos në minutat e fundit të çerekut të katërt.
Përballja, e zhvilluar në palestrën “Shani Nushi”, ishte e vlefshme për xhiron e tetë të Superligës së Kosovës në basketboll.
Dy ekipet qëndruan pranë njëra-tjetrës deri 2:35 minuta para fundit, kur rezultati ishte 67:67.
Bora nisi të krijonte epërsi pas dy gjuajtjeve të lira të Amin Hotit, që e çuan rezultatin në 69:67. Në aksionin pasues, ai shënoi përsëri dhe thelloi diferencën në 71:67.
