Florian Pullazi emërohet administrator i ri i “Illyrian Guard”

Florian Pullazi është prezantuar zyrtarisht si administratori i ri i shoqërisë “Illyrian Guard” Sh.a., në një aktivitet ku ishin të pranishëm zëvendësministri i Brendshëm, Xhemal Qefalia, dhe sekretarja e Përgjithshme e Ministrisë së Brendshme, Kledia Ngjela.

Ndryshimi në drejtimin e shoqërisë vjen në kuadër të vijimësisë së organizimit dhe funksionimit institucional të saj. “Illyrian Guard” është shoqëria përgjegjëse për ofrimin e shërbimeve të sigurisë fizike për institucione dhe subjekte të ndryshme që kanë kontraktuar shërbimet e saj për ruajtjen dhe mbrojtjen e ambienteve.

Me marrjen e detyrës, drejtimi i ri pritet të përqendrohet te forcimi i strukturave organizative, zhvillimi i kapaciteteve profesionale dhe përmirësimi i cilësisë së shërbimeve të sigurisë.

Rritja e standardeve të punës dhe konsolidimi i organizimit të brendshëm janë ndër drejtimet kryesore ku synohet të fokusohet puna e shoqërisë në vijim.