Vedat Muriqi mund ta nisë nga minuta e parë sfidën e Fenerbahces kundër Çorum FK, pasi sulmuesi i Kosovës ka spikatur këtë sezon me paraqitjet dhe golat e tij.
Sipas medias turke Fanatik, trajneri i ri i Fenerbahces, Emre Belozoglu, ka vendosur që Muriqi të jetë titullar në ndeshjen e së dielës, e vlefshme për javën e 11-të të Superligës së Turqisë.
Të lidhura
None found
Kohët e fundit, Muriqi kishte humbur vendin në formacionin bazë dhe në hierarkinë e skuadrës ishte kaluar nga Romelu Lukaku. Megjithatë, ai ka vazhduar të dëshmojë aftësitë e tij. Së fundmi, sulmuesi ishte vendimtar, duke shënuar golin e fitores ndaj Liverpoolit.
Statistikat e këtij edicioni dëshmojnë kontributin e tij: në 17 ndeshje zyrtare me fanellën e Fenerbahces, Muriqi ka shënuar nëntë gola dhe ka dhënë dy asistime, duke qenë ndër lojtarët më produktivë të ekipit.
Rikthimi i mundshëm në formacionin titullar do të përbënte një shenjë besimi nga trajneri i ri, si dhe një rast për sulmuesin dardan që të vazhdojë me paraqitjet vendimtare.
Fenerbahce do të luajë ndaj Çorum FK të dielën në orën 14:00, në kuadër të javës së 11-të të kampionatit turk.
