Komisionerja Evropiane për Zgjerimin, Marta Kos, ka pritur në Bruksel një delegacion prej katër përfaqësuesish të “Listës së Studentëve”, lëvizjes që fitoi zgjedhjet e fundit parlamentare në Serbi.
Takimi, i zhvilluar me ftesë të komisioneres, shënon kontaktin e parë të këtij niveli mes përfaqësuesve të lëvizjes dhe zyrtarëve të Bashkimit Evropian që nga zgjedhjet e 25 tetorit.
Kos e bëri të ditur takimin gjatë një fjalimi të mbajtur të mërkurën në Komisionin për Punë të Jashtme të Parlamentit Evropian, ku foli edhe për zhvillimet e fundit politike në Serbi.
Sipas komisioneres evropiane, qeveria e re serbe ka përpara një mundësi të rëndësishme për të hapur një kapitull të ri në vend, duke forcuar institucionet demokratike, garantuar më mirë të drejtat themelore dhe përshpejtuar reformat që lidhen me rrugën drejt anëtarësimit në Bashkimin Evropian.