Zgjedhjet në SHBA, amerikanët vendosin për shumicën në Kongres dhe Senat

Demokratët kanë një epërsi në tregjet e parashikimeve për kontrollin e Senatit dhe Dhomës së Përfaqësuesve, sipas të dhënave të platformës Polymarket, një prej tregjeve më të mëdha të parashikimeve të decentralizuara në botë.

Të dhënat, të publikuara ndërsa votimi për zgjedhjet e mesmandatit vijon, u japin demokratëve 74% mundësi për të fituar kontrollin e të dyja dhomave të Kongresit, një rezultat që do të kufizonte hapësirën e manovrimit të presidentit Donald Trump.

Sipas platformës, demokratët kanë 76% mundësi të fitojnë shumicën në Senat, ndërsa për kontrollin e Dhomës së Përfaqësuesve kjo shifër arrin në 95%.

Ndërkohë, Polymarket vlerëson në 23% mundësinë që republikanët të mbajnë Senatin, ndërsa demokratët të fitojnë Dhomën e Përfaqësuesve. Mundësia që republikanët të kontrollojnë të dyja dhomat vlerësohet në 5%, ndërsa ajo që demokratët të fitojnë Senatin dhe republikanët Dhomën e Përfaqësuesve në vetëm 1%.

Të dhënat e platformës, të paraqitura në orën 00:01 sipas orës greke, ndryshojnë në varësi të transaksioneve të kryera nga përdoruesit.

Në garat për Senatin, demokratët kanë epërsi në parashikimet e Polymarket në gjashtë nga shtatë garat e konsideruara vendimtare.

Në Michigan, mundësia e një fitoreje demokrate vlerësohet në 76%, ndërsa në Teksas, shtet tradicionalisht republikan, në 74%. Në Ohajo kjo shifër arrin në 72%, në Maine në 70%, në Alaskë në 69% dhe në Kansas në 64%.

Gara në Iowa paraqitet më e ngushtë, me demokratët dhe republikanët në kuotën 50%, pa një epërsi të qartë.

Gazetarja Denada Kola, e ftuar në emisionin “Now”, ka komentuar zhvillimet politike në Shtetet e Bashkuara të Amerikës në prag të zgjedhjeve të mesmandatit.

Ajo e cilësoi këtë përballje si një nga betejat më të forta elektorale, duke theksuar se demokratët nuk kanë arritur të fitojnë në këtë shtet prej rreth 30 vitesh.

Sipas Kolës, një fitore e mundshme demokrate do të kishte rëndësi të veçantë jo vetëm për në Senat, por edhe për simbolikën politike që do të mbartte.

“Për Teksasin është beteja më e fortë në Shtetet e Bashkuara të Amerikës, sepse nuk ka patur nje kandidat demokrat që të ketë fituar. Nëse kjo ndodh, përveçse do të jetë një votë shumë e rëndësishme për Senatin, do të jetë bastion. 30 vite pa fituar demokratët në Teksas. Është një betejë shumë e fortë. Ndërkohë është dhe familja Bush që është duke investuar. Do të jetë një përballje shumë interesante

Nesër në orën 07:00, do të shohim se çfarë do ndodhë në Teksas”, tha ajo.

Gazetarja Erla Mëhilli solli në “Now” zhvillimet e fundit nga zgjedhjet e mesmandatit në SHBA.

Sipas Mëhillit, Trump u ka bërë thirrje anëtarëve të komunitetit hebraik në Nju Jork që të votojnë, duke theksuar se çdo votë ka rëndësi ndërsa ka vënë në shënjestër kandidaten demokrate për Senatin në Alaskë, duke sugjeruar dhe arrestimin e saj

“Presidenti Donald Trump i ka bërë thirrje komunitetit hebraik të Nju Jorkut: ‘Çdo votë ka rëndësi’. Gjithashtu, përmes postimeve, ka mbështetur kandidatët e tij dhe ka sulmuar rivalët. Për shembull, ka vënë në shënjestër kandidaten demokrate për Senatin në Alaskë, duke sugjeruar hetimin dhe arrestimin e saj, ndërsa ka ftuar elektoratin të votojë kandidatin republikan Sullivan. Ndërkohë, djali i presidentit, Donald Trump Jr., ka përmendur vrasjen e Charlie Kirk: ‘Votoni njësoj sikur ata të palës tjetër të ishin gati t’ju vrisnin vetëm sepse keni shprehur opinionet tuaja’, ka thënë ai”, tha Mëhilli.

E ftuar në një lidhje të drejtpërdrejtë në “Now me Erla Mëhillin, gazetarja shqiptare në SHBA, Klementina Cenkollari, foli për zgjedhjet e mesmandatit dhe rëndësinë që ato kanë për presidentin Donald Trump.

Ajo theksoi se, pavarësisht se në këto zgjedhje nuk votohet drejtpërdrejt për Trump, vetë presidenti u ka kërkuar qytetarëve që ta konsiderojnë emrin e tij kur të votojnë. Për këtë arsye, zgjedhjet shihen edhe si një votëbesim ose mosbesim ndaj presidentit.

Gazetarja u ndal edhe te sondazhet, duke theksuar se analistët bëjnë thirrje për kujdes në interpretimin e tyre.

Cenkollari tha gjithashtu se Trump ka deklaruar se do ta pranojë rezultatin, nëse zgjedhjet do të jenë të drejta.

“Pavarësisht se sot nuk votohet për zotin Trump, ai vetë ka thënë: Kur të shkoni në qendrat e votimit, mendoni sikur emri im të jetë aty. Kjo sepse këto zgjedhje konsiderohen si një votëbesim ose mosbesim ndaj presidentit. Trump thotë se këto zgjedhje do të shkojnë më mirë nga sa parashikojnë ekspertët apo edhe mbështetësit e tij. Analistët këmbëngulin se duhet të tregohet kujdes me sondazhet, pasi në epokën Trump është shumë e vështirë t’u besohet atyre. Këtu i referohemi edhe zgjedhjeve të fundit presidenciale, kur sondazhet e nxirrnin Trump humbës përballë Harris. Zoti Trump ka deklaruar se do ta pranojë rezultatin, nëse zgjedhjet do të jenë të drejta. Një tjetër deklaratë e tij, që lidhet me mundësinë e humbjes së kontrollit të Kongresit, është se do të kthehet në ‘zotin e vetos’. Ai është shprehur se projektligjet që do t’i paraqiten nga Kongresi për t’u kthyer në ligje, do t’i refuzojë, për të bërë të mundur hapjen e një procesi negociatash që do t’i mundësonte atij dhe republikanëve të arrinin në pikën që dëshironin”, tha gazetarja.

Tre astronautë amerikanë të NASA-s kanë marrë pjesë në zgjedhjet e mesit të mandatit në SHBA duke hedhur votat e tyre nga Stacioni Ndërkombëtar Hapësinor (ISS), në një lartësi prej më shumë se 400 kilometrash mbi Tokë.

Anil Menon, Jessica Watkins dhe Luke Delaney i plotësuan fletët e votimit në mënyrë elektronike dhe i dërguan ato përmes një rrjeti të sigurt komunikimi te autoritetet përkatëse zgjedhore.

Lajmin e bëri të ditur Anil Menon përmes një postimi në platformën X, ku shpjegoi se si tre astronautët arritën të merrnin pjesë në procesin zgjedhor, pavarësisht se ndodhen në orbitë.

“Po, mund të votoni edhe nga hapësira! Të tre anëtarët amerikanë të ekuipazhit patën privilegjin të votonin nga Stacioni Hapësinor. Ne plotësuam një fletëvotim elektronik dhe e dërguam në mënyrë të sigurt te zyrtarët përkatës të zgjedhjeve”, shkroi ai.

Në një video të shkurtër, Menon tregoi se e përdori hapësirën e tij personale në Stacionin Ndërkombëtar Hapësinor si një vendvotim të përkohshëm. Pasi plotësoi fletën elektronike, ai e dërgoi atë në Qarkun Harris, në Teksas, ku është i regjistruar për të votuar.

Nëse demokratët fitojnë kontrollin e Dhomës së Përfaqësuesve, të Senatit ose të të dyjave, kjo do të ndryshonte ndjeshëm balancën e pushtetit në Uashington gjatë pjesës së mbetur të mandatit të dytë të presidentit Donald Trump.

Një nga fushat ku kjo do të ndihej më shumë është mbikëqyrja e administratës. Demokratët do të kishin në dispozicion mjete të reja për të hetuar qeverinë e Trump dhe veprimtarinë e saj.

Një tjetër fushë është kontrolli mbi shpenzimet. Ata do të kishin rol në vendimmarrjen për mënyrën se si përdoren paratë e taksapaguesve, si dhe mundësinë për të kërkuar anulimin e disa prej ndryshimeve të ndërmarra nga Trump.

Demokratët mund të përdorin gjithashtu Kongresin për të miratuar projektligje që pasqyrojnë prioritetet e tyre në çështje si lufta me Iranin, tarifat, imigracioni dhe zgjedhjet.

Përfaqësuesi Hakeem Jeffries, i cili do të merrte drejtimin e Dhomës së Përfaqësuesve nëse demokratët fitojnë shumicën, ka përmendur tre objektiva të menjëhershme:

Përfundimi i luftës me Iranin, me synimin për të ulur çmimet e energjisë.

Anulimi i shkurtimeve në Medicaid, të parashikuara në projektligjin republikan për uljen e taksave dhe shpenzimeve, si dhe rinovimi i subvencioneve të shtuara për primet e sigurimit shëndetësor përmes Obamacare.

Heqja e tarifave të vendosura nga Trump, me synimin për të ulur çmimet e mallrave.

Përplasjet me presidentin dhe kufizimet

Megjithatë, demokratët do të përballeshin me kufizime në zbatimin e programit të tyre. Ruajtja e unitetit brenda grupit parlamentar do të kërkonte përpjekje, ndërsa Trump mund të mos ishte i gatshëm të bashkëpunonte me një Kongres të kontrolluar nga demokratët.

Përplasjet për financimin e qeverisë mund të bëhen të shpeshta, duke rritur rrezikun e një mbylljeje të institucioneve federale.

“Ajo që ndodh është se unë vë veton ndaj gjithçkaje dhe pastaj vijnë demokratët dhe duan të bëjnë një marrëveshje”, deklaroi Trump javën e kaluar, duke iu referuar mundësisë së bashkëpunimit me një Kongres me shumicë demokrate.

Për të rrëzuar një veto presidenciale nevojiten 67 vota në Senat, një prag më i lartë se 60 votat që kërkohen për miratimin e një projektligji të rëndësishëm.

Mundësi për bashkëpunim dypartiak

Pavarësisht përplasjeve të mundshme, mund të ketë edhe hapësirë për bashkëpunim mes dy partive.

Gjatë mandatit të parë të Trump, pasi republikanët humbën kontrollin e Dhomës së Përfaqësuesve, presidenti bashkëpunoi me demokratët për miratimin e Aktit të Hapit të Parë (First Step Act), një ligj i rëndësishëm për reformën e sistemit të dënimeve.

Edhe pse Elon Musk është larguar nga një rol publik në administratën e Donald Trumpit, ai vazhdon të ketë ndikim në politikën amerikane përmes financimit të fushatave dhe organizatave politike.

Sipas një analize të Qendrës Brennan për Drejtësi, Musk është donatori më i madh në ciklin zgjedhor të vitit 2026.

Përmes kontributeve personale dhe kompanisë së tij “United States of America Inc.”, ai ka dhuruar më shumë se 483 milionë dollarë për kandidatët dhe grupet republikane. Kjo shumë është mbi katër herë më e lartë se kontributet e donatorit të dytë më të madh.

Në mesin e donatorëve kryesorë të demokratëve është miliarderi George Soros, i cili ka dhuruar më shumë se 102 milionë dollarë për kandidatët dhe kauzat e kësaj partie, si në emrin e tij, ashtu edhe përmes kompanive dhe organizatave jofitimprurëse.

Ndërkohë, disa donatorë të njohur i kanë shpërndarë kontributet e tyre mes të dyja partive politike. Në këtë grup përfshihet edhe kompania e kriptomonedhave Coinbase Inc.

Edhe Chris Larsen, themeluesi i kompanisë së teknologjisë së pagesave Ripple, ka dhuruar për organizata dhe kauza të lidhura si me republikanët, ashtu edhe me demokratët, sipas analizës së Qendrës Brennan për Drejtësi.

Zgjedhjet e mesit të mandatit në Shtetet e Bashkuara tradicionalisht shihen si një lloj “referendumi” për performancën e presidentit dhe të partisë në pushtet.

Historia tregon se këto zgjedhje përgjithësisht nuk favorizojnë partinë e presidentit në detyrë. Që nga Lufta e Dytë Botërore, partia e presidentit ka humbur mesatarisht 26 vende në Dhomën e Përfaqësuesve dhe katër vende në Senat.

Që kur u vendos zgjedhja e drejtpërdrejtë e senatorëve nga qytetarët, vetëm në tetë zgjedhje të mesit të mandatit, gjatë presidencave të Woodrow Wilson, Franklin Roosevelt, John F. Kennedy, Richard Nixon, Bill Clinton, George W. Bush, Donald Trump dhe Joe Biden, partia e presidentit ka arritur të shtojë përfaqësimin e saj në të paktën njërën nga dy dhomat e Kongresit.

Edhe më e rrallë është rritja e numrit të vendeve njëkohësisht në Dhomën e Përfaqësuesve dhe në Senat. Kjo ka ndodhur vetëm dy herë: në vitin 1934, gjatë presidencës së Franklin Roosevelt, dhe në vitin 2002, nën George W. Bush.

Me interes të veçantë janë zgjedhjet e mesit të mandatit që zhvillohen gjatë mandatit të dytë presidencial. Historikisht, humbjet e partisë së presidentit kanë prirjen të jenë më të mëdha se në zgjedhjet e para të mesit të mandatit.

Ky fenomen është aq i zakonshëm në historinë politike amerikane saqë ka marrë edhe një emër: “kruajtja gjashtëvjeçare”. Termi përshkruan konsumimin politik që ndodh rreth vitit të gjashtë të një presidence dhe që shpesh shfaqet përmes humbjeve të partisë në pushtet në Kongres.

merikane, por në garat e ngushta parashikimet mund të kërkojnë më shumë kohë.

Koha e shpalljes së rezultatit të përgjithshëm do të varet nga diferencat mes kandidatëve dhe nga garat që do të përcaktojnë kontrollin e Kongresit.

Në vitin 2022, republikanët dhe demokratët vijonin të ishin në një garë të ngushtë për kontrollin e Kongresit amerikan edhe më 9 nëntor, një ditë pas zgjedhjeve të mesit të mandatit.

Dy vjet më parë, Trump fitoi Lubbock, Teksas, me 70% të votave. Është pothuajse aq konservatore sa mund të jetë.

Qyteti me pluhur i fushave priti tubime fushate dypalëshe javën e kaluar, me Presidentin Trump dhe kandidatin demokrat për Senat, James Talarico, të ndarë vetëm nga disa milje.

Mijëra njerëz mbushën rrugët përreth aeroportit për të parë uljen e Air Force One, dhe më shumë të tjerë u mblodhën në një tubim për kandidatin republikan për Senat, Ken Paxton.

Ajo që dëgjova nga mbështetësit e Talarico-s ishte një përzierje shprese dhe tmerri.

Shpresa ishte që kandidati i tyre do të ishte demokrati i parë në më shumë se tre dekada që fitonte një garë në të gjithë shtetin në Teksas. Frika ishte se ky do të ishte vetëm shembulli më i fundit i zhdukjes së optimizmit demokrat.

Strategët republikanë me të cilët fola e kishin mendjen qartë në lidhje me sfidën.

Ndoshta shqetësimi i tyre më i madh është se nëse demokratët ia dalin mbanë, përpjekjet e tyre do të drejtohen nga Teksasi përpara zgjedhjeve presidenciale të vitit 2028, duke i detyruar republikanët të mbrojnë atë që ishte terren i sigurt vetëm pak vite më parë.

Mund të lexoni më shumë rreth kësaj dhe zgjedhjeve të mesit të mandatit në buletinin tim US Politics Unspun .

Një problem teknik në një sistem elektronik shkaktoi ndërprerjen e përkohshme të votimit në të gjitha qendrat e votimit në Qarkun Broward, në Florida, gjatë zgjedhjeve të mesit të mandatit në SHBA.

Sipas kreut të autoritetit lokal të zgjedhjeve, Joe Scott, defekti zgjati rreth 20 minuta dhe preku të gjitha qendrat e votimit në qark.

“Ky problem preku të gjithë qarkun”, tha Scott, duke u bërë thirrje votuesve që ishin larguar pa votuar të ktheheshin në qendrat e votimit përpara mbylljes së tyre.

Ai shpjegoi se mosfunksionimi u konstatua në një sistem skanimi, i cili është projektuar për të siguruar që qytetarët të marrin fletën e saktë të votimit në qendrat që mbulojnë më shumë se një zonë zgjedhore. Megjithatë, sistemi i refuzoi gabimisht të gjitha fletët e votimit, ndaj u desh që ky kontroll të anashkalohej për të vijuar procesin.

“Askush nuk votoi me fletën e gabuar të votimit. Asnjë numërim nuk u prek”, siguroi zyrtari.

Ndërkohë, probleme me makineritë e skanimit të fletëve të votimit janë raportuar në Qarkun Westchester, në Nju Jork, ku pajisjet nuk po pranojnë fletët e votimit në letër në qendrat e votimit në të gjithë qarkun.

Sipas një deklarate të autoriteteve lokale, pavarësisht vështirësive teknike, nuk ka rrezik për humbjen e votave.

“Ne duam t’i sigurojmë çdo votuesi se vota e tij llogaritet, fletëvotimi i tij do të mbetet i sigurt dhe vota e tij do të numërohet”, thuhet në një postim të Qarkut Westchester në platformën X.

Në një mesazh me video, ekzekutivi i Qarkut Westchester, Ken Jenkins, demokrat, tha se problemi po prekte të gjithë rajonin, por se në atë moment nuk shihej e nevojshme zgjatja e orarit të funksionimit të qendrave të votimit.

“Qytetarët duhet ta dinë se vota e tyre do të numërohet. Pikë”, deklaroi ai, duke i nxitur votuesit të vijonin të paraqiteshin në qendrat e votimit.

Jenkins shpjegoi se votuesit mund t’i plotësonin fletët e votimit si zakonisht dhe t’i vendosnin ato në qeset e posaçme portokalli, duke ndjekur udhëzimet e zyrtarëve zgjedhorë.

Nga ana tjetër, Komisioni Zgjedhor i Shtetit të Nju Jorkut njoftoi se ishte në komunikim të vazhdueshëm me autoritetet lokale për zgjidhjen sa më të shpejtë të problemit.

Sipas Komisionit, votimi nuk ishte ndërprerë. Procedurat e planifikuara të emergjencës ishin aktivizuar, ndërsa fletët e plotësuara të votimit po ruheshin në mënyrë të sigurt, nën mbikëqyrjen ndërpartiake, dhe do të numëroheshin normalisht.

Elon Musk tha se një fitore e plotë e demokratëve në zgjedhjet presidenciale dhe ato për Kongresin në vitin 2028 mund të sjellë ndryshime të mëdha politike në Shtetet e Bashkuara.

“Shqetësimi im më i madh është se nëse demokratët fitojnë Dhomën e Përfaqësuesve, Senatin dhe Presidencën në vitin 2028, ata do ta bëjnë Uashingtonin dhe Porto Rikon shtete për të siguruar një shumicë të fortë në Senat”, shkroi Musk në platformën X, ndërkohë që u bëri thirrje ndjekësve të tij të votojnë për republikanët.

Ai pretendon gjithashtu se demokratët do të hapnin kufijtë dhe do t’u jepnin status ligjor të gjithë emigrantëve që jetojnë ilegalisht në SHBA, për të konsoliduar mbështetjen e tyre politike.

Ndërsa amerikanët debatojnë se si lufta me Iranin mund të ndikojë në zgjedhjet e mesit të mandatit, iranianët po i ndjekin ato për një arsye tjetër: për të kuptuar nëse rezultatet mund ta afrojnë një tjetër luftë apo ta bëjnë më të mundshme rrugën diplomatike.

Megjithatë, iranianët janë të ndarë për rezultatin që dëshirojnë.

Shumë prej tyre kanë frikë nga rifillimi i luftimeve, pas muajsh konflikti, vështirësish ekonomike dhe pasigurie. Të tjerë, veçanërisht kundërshtarët e Republikës Islamike, e shohin presionin e vazhdueshëm ushtarak amerikan si një rrugë të mundshme drejt ndryshimit të regjimit.

Disa shqetësohen se nëse demokratët marrin kontrollin e Kongresit, kjo mund ta kufizojë presidentin Donald Trump, të ulë presionin ndaj Teheranit dhe të zvogëlojë mundësitë për ndryshime politike në Iran.

Të tjerë shpresojnë se fitoret e demokratëve mund të frenojnë veprime të mëtejshme ushtarake, megjithëse Kongresi ka kompetenca të kufizuara për t’i parandaluar ato.

Ndërkohë, një pjesë e iranianëve kundërshtojnë si Republikën Islamike, ashtu edhe ndërhyrjen e huaj.

Amerikanët votojnë këtë të martë në zgjedhjet e mesmandatit, të cilat do të përcaktojnë se kush do të kontrollojë Kongresin dhe nëse presidenti Donald Trump do të vijojë të qeverisë me mbështetjen e shumicës republikane apo do të përballet me një shumicë demokrate në të paktën njërën prej dhomave.

Sondazhet e fundit tregojnë një avantazh të demokratëve. Sipas një ankete të Reuters, ata kryesojnë me 47% të preferencave, kundrejt 36% të republikanëve.

Ky rezultat lidhet edhe me pakënaqësitë për ekonominë dhe koston e jetesës. Sipas të njëjtës anketë, 73% e të anketuarve mendojnë se situata ekonomike për familjet po shkon në drejtimin e gabuar.

Çmimet e larta dhe tarifat tregtare janë ndër çështjet më të kritikuara të politikave të presidentit Donald Trump. Një tjetër faktor që po ndikon në klimën elektorale është lufta me Iranin. Rritja e çmimeve të karburanteve dhe kostot e konfliktit kanë vënë në pikëpyetje premtimin e Trump për të shmangur përfshirjen e SHBA-së në luftëra të gjata jashtë vendit.

Demokratët po e përdorin këtë pakënaqësi për të kritikuar vendimet e administratës, ndërsa republikanët mbrojnë politikat e presidentit dhe theksojnë rëndësinë e sigurisë kombëtare.

Në ditët e fundit të fushatës, Trump është përpjekur të mobilizojë bazën republikane përmes mitingjeve në shtetet ku gara për Senatin është më e fortë.

Humbja e Dhomës së Përfaqësuesve do t’u jepte demokratëve mundësinë të hapnin hetime ndaj administratës, të thërrisnin zyrtarë në seanca dëgjimore dhe të pengonin një pjesë të agjendës së presidentit.

Zgjedhjet e 3 nëntorit janë më shumë se një garë për vende në Kongres. Ato do të tregojnë nëse amerikanët do t’i japin Trump mbështetjen politike për të vijuar agjendën e tij, apo do të zgjedhin t’i vendosin kufij në dy vitet e fundit të presidencës.

Në fjalimin e tij të fundit para zgjedhjeve të së martës, presidenti amerikan Donald Trump përuroi një projekt në Uashington, por nuk la pa sulmuar edhe kundërshtarët e tij demokratë.

Bëhet fjalë për “Reflecting Pool”, liqenin e madh artificial ku pasqyrohen monumentet kushtuar George Washington-it dhe Abraham Lincoln-it.

Gjatë fjalimit, pasi foli për projektin, Trump i cilësoi kandidatët demokratë si “jashtëzakonisht të rrezikshëm”. Sipas tij, ata mbështesin xhihadistët, Vëllazërinë Myslimane dhe “të tjerë që as nuk mund t’i imagjinoni”.

Presidenti amerikan i akuzoi demokratët se mbështesin politika të tmerrshme, duke iu referuar veçanërisht qëndrimeve të tyre për imigracionin dhe të drejtat e personave transgjinorë.

“Ne do ta mbrojmë vendin tonë, kulturën tonë dhe trashëgiminë tonë për brezat që do të vijnë”, deklaroi Trump.

“Kemi luftuar për 250 vjet për ta bërë vendin tonë të madh. Ai nuk do të shkatërrohet nga disa demokratë të dështuar”, shtoi kreu i Shtëpisë së Bardhë.

Senatori republikan në detyrë, Dan Sullivan, ka akuzuar kandidaten demokrate për Senatin, Mary Peltola, dhe udhëheqësin e pakicës në Senat, Chuck Schumer, se kanë krijuar një skemë që, sipas tij, mund të çojë në ngatërrimin e votuesve në Alaskë.

Sullivan pretendon se mijëra banorë të Alaskës mund të hedhin poshtë votën e tyre për shkak të pranisë në fletën e votimit të një kandidati tjetër me të njëjtin emër, Dan Sullivan, një mësues në pension.

Duke folur me gazetarët në Anchorage, pasi votoi në Kopshtin Zoologjik të Alaskës, senatori e cilësoi këtë situatë si “skandalin më të madh zgjedhor dhe skandalin më të madh të mashtrimit në historinë e Alaskës”.

Megjithatë, Sullivan deklaroi se do ta pranonte rezultatin e zgjedhjeve edhe në rast humbjeje, pasi të numëroheshin dhe certifikoheshin të gjitha votat e ligjshme.

Ndërkohë, guvernatori republikan i Alaskës, Mike Dunleavy, ka nisur një hetim për të parë nëse demokratët janë përpjekur të ngatërrojnë votuesit. Javën e kaluar, ai paralajmëroi se, nëse hetimi zbulon shkelje, rezultatet e garës për Senatin mund të pezullohen ose ndryshohen.

Sullivan tha se shpreson që banorët e Alaskës, si republikanët ashtu edhe demokratët, të jenë të indinjuar nga kjo situatë. Sipas tij, mënyra se si është trajtuar kjo çështje përbën një mungesë respekti ndaj votuesve.

“ Njerëzit me të cilët po flas janë të indinjuar. Dhe ajo që u them atyre është se mënyra më e mirë për t’u siguruar që kjo të mos ndodhë është të dalin dhe të votojnë për mua, të votojnë për Dan Sullivanin e duhur dhe të mos e hedhin votën e tyre”, u shpreh senatori.

Presidenti amerikan Donald Trump në një intervistë për Fox News i ka cilësuar zgjedhjet e mesmandatit që po zhvillohen në Shtetet e Bashkuara si më të rëndësishmet në historinë e vendit.

“Më lejoni t’ju them se këto janë zgjedhjet më të rëndësishme, sepse ne ia kemi dalë vërtet ta bëjmë Amerikën sërish të madhe”, deklaroi presidenti amerikan.

Trump më tej shtoi se Shtetet e Bashkuara janë tashmë një vend i fuqishëm dhe i respektuar në mbarë botën. Ai u shpreh se nëse amerikanët lodhen nga ai do të shkojë në Izrael dhe të zgjidhet kryeministër.

“Nëse njerëzit në Shtetet e Bashkuara do të lodheshin ndonjëherë prej meje, do të shpërngulesha në Izrael dhe do të bëhesha kryeministër”, u shpreh Trump.

Gjatë orës së ardhshme pritet të mbyllet votimi në 20 shtete të tjera amerikane, ndërsa vëmendja përqendrohet te garat e ngushta për Senatin në Teksas, Miçigan dhe Mejn.

Këto tri shtete janë ndër ato që do të ndiqen nga afër në këtë fazë të zgjedhjeve.

Në Teksas, ish-mësuesi James Talarico synon të bëhet demokrati i parë që ky shtet dërgon në Senat pas më shumë se 30 vjetësh. Ai është në një garë të ngushtë me republikanin Ken Paxton, i cili ka mbështetjen e Donald Trumpit.

Në Miçigan, përballja për Senatin mes demokratit Abdul El-Sayed dhe republikanit Mike Rogers ka tërhequr vëmendjen kombëtare. Të dielën, në një zhvillim të minutës së fundit, kundërshtari i El-Sayed në zgjedhjet paraprake të Partisë Demokrate shprehu mbështetjen për Rogersin.

Në Mejn, senatorja republikane Susan Collins po përpiqet të ruajë mandatin në një shtet që priret të mbështesë demokratët. Collins, e cila ka votuar për shkarkimin e Trumpit, përballet me një sfidë të ngushtë nga kundërshtari i saj, Troy Jackson.

Sekretari amerikan i Sigurisë Kombëtare, Markwayne Mullin, ka paralajmëruar nisjen e një hetimi pas zgjedhjeve të mesmandatit në SHBA, me fokus identifikimin e rasteve të mundshme të mashtrimit zgjedhor dhe votimit nga persona që nuk kanë shtetësi amerikane. Megjithatë, ai theksoi se hetimi nuk duhet të pengojë certifikimin e rezultateve zgjedhore.

Në një intervistë për Fox News, Mullin deklaroi se Departamenti i Sigurisë Kombëtare do të mbledhë dhe shqyrtojë regjistrat e votimit për të verifikuar nëse persona pa të drejtë ligjore kanë marrë pjesë në zgjedhje.

“Do të mbledhim regjistrat e votimit dhe do t’i shqyrtojmë ato për t’u siguruar që të mos ketë votuar asnjë i paligjshëm”, u shpreh ai.

Deklaratat vijnë një ditë pasi Gjykata e Lartë e SHBA-së rrëzoi kërkesën urgjente të administratës Trump për të ndaluar Kaliforninë të numëronte fletët e votimit të rreth 20 mijë personave, të cilët Departamenti i Sigurisë Kombëtare i kishte identifikuar si joqytetarë të mundshëm. Ndërkohë, zyrtarët zgjedhorë dhe organizatat për mbrojtjen e të drejtës së votës kanë vënë në pikëpyetje saktësinë e kontrolleve të kryera nga departamenti mbi listat e votuesve në Kaliforni dhe disa shtete të tjera.

Mullin e përsëriti paralajmërimin edhe në një intervistë për CBS News, duke theksuar se çdo rast i votimit të paligjshëm duhet të hetohet.

Sekretari amerikan i Sigurisë Kombëtare, Markwayne Mullin, ka paralajmëruar nisjen e një hetimi pas zgjedhjeve të mesmandatit në SHBA, me fokus identifikimin e rasteve të mundshme të mashtrimit zgjedhor dhe votimit nga persona që nuk kanë shtetësi amerikane. Megjithatë, ai theksoi se hetimi nuk duhet të pengojë certifikimin e rezultateve zgjedhore.

Në një intervistë për Fox News, Mullin deklaroi se Departamenti i Sigurisë Kombëtare do të mbledhë dhe shqyrtojë regjistrat e votimit për të verifikuar nëse persona pa të drejtë ligjore kanë marrë pjesë në zgjedhje.

“Do të mbledhim regjistrat e votimit dhe do t’i shqyrtojmë ato për t’u siguruar që të mos ketë votuar asnjë i paligjshëm”, u shpreh ai.

Sipas raportimeve të CNN, rezultatet e para nga zgjedhjet e mesmandatit në Indiana tregojnë një performancë më të mirë të kandidatëve demokratë krahasuar me zgjedhjet e vitit 2024. Megjithatë, CNN thekson se është ende herët për të nxjerrë përfundime mbi rezultatin përfundimtar të garave.

Në Distriktin e 5-të të Indianës, demokrati JD Ford ka siguruar 63.6% të votave në raportimin e parë nga Qarku Hamilton. Në zgjedhjet e vitit 2024, përfaqësuesja republikane Victoria Spartz kishte marrë 50.1%, kundrejt 46.3% të kundërshtarit demokrat.

Edhe në Distriktin e 3-të është regjistruar një rezultat i ngjashëm. Demokratja Kelly Thompson ka marrë 63.5% të votave në raportimin e parë nga Qarku Allen, ndërsa dy vite më parë republikani Marlin Stutzman kishte siguruar 53.6%.

CNN vëren se i njëjti model është përsëritur edhe në disa qarqe të tjera të Distriktit të 3-të, ku Stutzman kryeson në raportimet paraprake, por me diferenca dukshëm më të ngushta se në vitin 2024.

Sipas analizës së CNN, rezultatet e para ka të ngjarë të përfshijnë votat me postë dhe ato të hedhura gjatë votimit të parakohshëm, kategori në të cilën demokratët kanë regjistruar rezultate më të mira në zgjedhjet e mëparshme.

Në Shtetet e Bashkuara ka nisur mbyllja e qendrave të votimit për zgjedhjet e mesmandatit. Në mesnatë, sipas orës shqiptare, votimi përfundoi në disa zona të Indianës dhe Kentakit, ndërsa në orën 01:00 pritet të mbyllen qendrat edhe në Florida, Xhorxhia, Karolinën e Jugut dhe Virxhinia.

Në Indiana janë mbyllur qendrat për zgjedhjet e Dhomës së Përfaqësuesve në distriktet 3, 5, 6, 7 dhe 9, ndërsa në Kentaki në distriktet 3, 4, 5 dhe 6. Në distriktet e tjera të këtyre dy shteteve, si dhe për zgjedhjet në nivel shtetëror, votimi do të përfundojë në orën 01:00.

Një nga garat e para që pritet të tërheqë vëmendjen është ajo në distriktin e gjashtë të Kentakit, ku republikani Ralph Alvarado përballet me demokratin Zach Dembo për vendin e lënë nga kongresmeni republikan Andy Barr. Dy vjet më parë, Donald Trump e fitoi këtë zonë me një diferencë prej 15 pikësh, ndërsa këtë herë gara konsiderohet e ngushtë.

Në pjesën më të madhe të Shteteve të Bashkuara, qendrat e votimit do të qëndrojnë të hapura edhe për disa orë, ndërsa numërimi dhe publikimi i rezultateve do të vijojnë gradualisht gjatë natës.

Presidenti amerikan Donald Trump ka shpallur zyrtarisht periudhën 1–7 nëntor si “Javën e Antikomunizmit”, vetëm pak orë përpara se të nisnin të publikoheshin rezultatet kryesore të zgjedhjeve të mesmandatit në Shtetet e Bashkuara.

Përmes një shpalljeje të publikuar në faqen zyrtare të Shtëpisë së Bardhë, Trump u bëri thirrje qytetarëve amerikanë të qëndrojnë të bashkuar kundër asaj që ai e cilësoi si kërcënim komunist ndaj mënyrës amerikane të jetesës.

“Me anë të kësaj shpall javën nga 1 nëntori deri më 7 nëntor si Java e Antikomunizmit. U bëj thirrje të gjithë amerikanëve të qëndrojnë të vendosur në mbrojtje të tyre kundër çdo kërcënimi ndaj mënyrës amerikane të jetesës dhe të mbrojnë flakën tonë të ndezur të lirisë nga errësira e komunizmit”, thuhet në shpalljen e presidentit amerikan.

Ndërsa procesi i votimit në zgjedhjet e mesmandatit në Shtetet e Bashkuara po i afrohet fundit në disa shtete, janë raportuar probleme në një pjesë të qendrave të votimit, ndërsa në shtete të tjera procesi është zhvilluar pa incidente të rëndësishme. Paralelisht, disa shtete kanë regjistruar pjesëmarrje të lartë, duke tejkaluar edhe shifrat e zgjedhjeve të mëparshme.

Në Kentucky dhe Indiana, votuesit kanë qenë në orët e fundit për të ushtruar të drejtën e votës, ndërsa disa qendra votimi po i afroheshin mbylljes në orën 18:00 sipas orës lindore amerikane.

Pjesëmarrje rekord është raportuar në Karolinën e Jugut, e cila ka njoftuar se ka thyer rekordin e saj për numrin e votuesve në zgjedhjet e mesmandatit. Edhe në një qark të Ohajos, pjesëmarrja është në rrugën e duhur për të tejkaluar shifrat e vitit 2022. Ndërkohë, Iowa pret gjithashtu një pjesëmarrje rekord, sipas sekretarit të shtetit. Interesi i lartë i votuesve lidhet, ndër të tjera, me shqetësimet për koston e jetesës dhe kërkesën për më shumë bashkëpunim mes dy partive kryesore.

Probleme me pajisjet e votimit janë raportuar në Qarkun Westchester, në Nju Jork, ku zyrtarët zgjedhorë janë detyruar të instalojnë makineri alternative, të quajtura “Plani B”. Për shkak të një gabimi në printera, mijëra votues u detyruan të depozitonin fletët e votimit në qese emergjence, për t’u numëruar më vonë. Sipas autoriteteve, fletët do të transportohen nga zyrtarë zgjedhorë të të dyja partive, të shoqëruar nga policia, drejt një qendre numërimi.