Java e nëntë e kampionatit “Abissnet Superiore” dhuroi rezultate interesante dhe ndryshime në garën për kreun e tabelës. Vëmendja kryesore ishte te përballja mes Egnatias dhe Teutës, ku kampionët në fuqi arritën të triumfonin me rezultatin 1-0 në “Egnatia Arena”.
Kjo fitore rezultoi vendimtare për skuadrën rrogozhinase, e cila tashmë ngjitet në vendin e parë të renditjes me 21 pikë. Në krahun tjetër, Teuta mbetet në vendin e dytë me 20 pikë, vetëm një hap larg kreut, duke konfirmuar garën e fortë mes dy skuadrave.
Surpriza pati edhe në takimet e tjera të kësaj jave. Vora arriti të mposhtte Vllazninë me shifrat 2-1, ndërsa AF Elbasani mori tri pikë të rëndësishme në shtëpi, duke fituar 2-1 ndaj Partizanit.
Ndërkohë, Skënderbeu dhe Laçi u ndanë në barazim 1-1 në Korçë. Me të njëjtin rezultat përfundoi edhe derbi mes Tiranës dhe Dinamo City-t.
Pas këtyre rezultateve, Egnatia kryeson kampionatin me 21 pikë, e ndjekur nga Teuta me 20 pikë.
Rezultatet e javës së 9-të:
Vora 2-1 Vllaznia
Skënderbeu 1-1 Laçi
AF Elbasani 2-1 Partizani
Tirana 1-1 Dinamo City
Egnatia 1-0 Teuta
