Eurodeputeti Andrey Kovatchev, raportues i Partisë Popullore Evropiane (PPE) për Shqipërinë, ka reaguar për protestën e studentëve, duke kërkuar që zërat e të rinjve shqiptarë të dëgjohen dhe shqetësimet e tyre për korrupsionin e demokracinë të merren seriozisht.
Në një reagim të publikuar në rrjetin social X, Kovatchev thekson se të rinjtë shqiptarë kërkojnë llogaridhënie, luftë kundër korrupsionit dhe një të ardhme evropiane të mbështetur te shteti i së drejtës.
“Të rinjtë e Shqipërisë kërkojnë më shumë se premtime: ata duan llogaridhënie, fundin e korrupsionit dhe një të ardhme evropiane të ndërtuar mbi demokracinë dhe shtetin e së drejtës. Zërat e tyre duhet të dëgjohen, shqetësimet e tyre të merren seriozisht dhe e drejta e tyre për të kundërshtuar në mënyrë paqësore ata që janë në pushtet duhet të mbrohet”, shkruan eurodeputeti.
Reagimi i Kovatchev vjen në një kohë kur studentët dhe të rinjtë në Shqipëri po protestojnë kundër qeverisë, duke kërkuar përgjegjësi për korrupsionin dhe ndryshime në drejtimin e vendit.m.k
