Një ngjarje e rëndë ka ndodhur në orët e para të ditës së martë në Shkodër.
Një sherr mes tre personave për motive të dobëta ka çuar deri në përdorimin e armëve.
Një 24-vjeçar i identifikuar si Ylber Luli ka ndërruar jetë në spital pas plagëve të marra me armë zjarri, ndërkohë që babai i tij Qamil Luli ka mbetur i plagosur, shkruan A2.
Autori 25-vjeçar Andri Vulaj, i cili është plagosur me thikë, u arrestua pas ngjarjes.
Njoftimi i policisë:
Rreth orës 05:30, në lagjen “Kongresi i Përmetit”, Shkodër, dyshohet se, si pasojë e një konflikti për motive të dobëta, shtetasi A. V. ka plagosur me armë zjarri shtetasit Q. L., 63 vjeç, dhe Y. L., 24 vjeç (babë e bir), ndërsa këta të fundit dyshohet se kanë plagosur me mjet prerës (thikë) shtetasin A. V., 25 vjeç.
Si pasojë e plagëve të marra, shtetasi Y. L., 24 vjeç, ka ndërruar jetë në spital.
