i reagoi përmes rrjeteve sociale pasi socialistët depozituan në Kuvend kërkesën për përjashtimin e tij nga punimet për 60 ditë, së bashku me deputetin tjetër demokrat, Klevis Balliu. - Jo 60 ditë, por bëjini 4 vjet! Shkelni rregulloret dhe Kushtetutën! Bëni gjithçka që keni në dorë. Prapëseprapë, frikën e Edi Ramës nuk keni për ta zhdukur dot. Edi Rama është i vetmi kryeministër që ka nevojë për votën e një personi të akuzuar për korrupsion, si Belinda Balluku, për të shkatërruar jetën e qytetarëve dhe për të fshirë nga harta 15 bashki. Është i vetmi kryeministër në botë që shkon në Kuvend për të votuar, i rrethuar nga 40 efektivë të Gardës së Republikës, sepse ai e di më mirë se kushdo se llogaritë nuk i ka me deputetët e opozitës, por me qytetarët, të cilët i ka braktisur dhe i ka dhunuar prej 13 vitesh! PS kërkoi penalizim maksimal për të dhe Balliun pas trazirave që shpërthyen në sallën e Kuvendit me votimin e reformës territoriale, që riktheu në sallë edhe ish zv.Kryeministren Belinda Balluku. Reforma kaloi me 85 vota pro, një më shumë se pragu i cilësuar prej 84 mandatesh. Ligji mori edhe mbështetjen e Erion Braçes dhe Vullnet Sinajt, të cilët e kishin kundërshtuar më herët.