Tokio ka regjistruar 34 ditë radhazi me shi, duke shënuar kështu periudhën më të gjatë të tillë të dokumentuar ndonjëherë, njoftoi të martën agjencia meteorologjike e Japonisë. Ndryshimet klimatike, të nxitura nga emetimet e karburanteve fosile, rrisin lagështinë në atmosferë, duke e bërë më të mundshme rënien e shirave të dendur. Këtë vit, moti në nivel global po ndikohet gjithashtu nga fenomeni "El Niño", i cili ndryshon drejtimin e erërave, presionin atmosferik dhe formacionet e reve, duke sjellë shira të dendur në disa zona dhe thatësira në të tjera. Sezoni i shirave në kryeqytetin japonez zakonisht shënohet në muajin qershor, por qyteti është përballur me reshje të dendura të vazhdueshme gjatë gjithë muajve të verës, si dhe me përmbytje të mëdha në rajonin e gjerë të Tokios. Kjo periudhë me ditë me shi ishte më e gjata që nga fillimi i regjistrimeve në vitin 1886.