Një 28-vjeçar, i shpallur në kërkim ndërkombëtar dhe i dënuar për vrasje është arrestuar në Itali dhe pritet që të ekstradohet drejt Shqipërisë. Vangjel Balla, 28 vjeç, është arrestuar në Bolzano të Italisë, në kuadër të operacionit të koduar ‘The Wanted’. 28-vjeçari I lindur në Dibër ishte shpallur në kërkim ndërkombëtar nga Interpol Tirana, pasi Gjykata e Shkallës së Dibër, në vitin 2020, e ka dënuar me 12 vjet burg, për veprën penale “Vrasje me paramendim”, kryer në bashkëpunim. Sipas Policisë, Vangjel Balla së bashku me vëllain e tij, shtetasin me iniciale A. B., pas një konflikti për motive të dobëta, kanë vrarë me thikë një shtetas. 28-vjeçarit I kanë mbetur për të kryer edhe 9 vite burg. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Shqipërisë.