100 ditë protestë kundër qeverisë dhe politikës në vend, shënohet këtë të hënë. Një prej qytetarëve pjesëmarrës ka shprehur pakënaqësinë e tij ndaj qeverisjes dhe situatës politike në vend. Ai deklaroi se janë të shumta arsyet që e kanë shtyrë të dalë në protestë, ndërsa akuzoi kryeministrin Edi Rama për keqqeverisje dhe korrupsion.
“Rama është kryehajduti i shqiptarëve”, u shpreh qytetari, duke kundërshtuar idenë që kryeministri të vijojë të qëndrojë në pushtet për një periudhë të gjatë.
Sipas tij, qeveria nuk ka përmbushur premtimet e dhëna ndër vite dhe nuk është e drejtë që një kryeministër të qëndrojë në pushtet për 20 apo 30 vjet.
“Ne kemi shumë arsye për të protestuar. Ai mendon se do të qëndrojë në pushtet deri sa të vdesë. Nuk është e drejtë që një kryeministër i tillë, që nuk ka realizuar asnjë premtim, të qëndrojë kryeministër për 20-30 vite”, deklaroi ai.
Protesta e ditës së 100-të riktheu në qendër të vëmendjes pakënaqësinë e një pjese të qytetarëve ndaj qeverisë dhe zhvillimeve politike në vend.