Kreu i grupit parlamentar të PS-së, Taulant Balla, ngre alarmin për mënyrën se si po trajtohen nga drejtësia rastet e zjarrvënieve. Ai i referohet të dhënave të Prokurorisë së Përgjithshme, sipas të cilave në pesë vite janë hetuar 211 çështje, ndërsa fajtorë janë gjetur vetëm 18 persona.
Balla thekson se Kodi Penal parashikon dënime deri në 20 vite burg për zjarrvënien e pyjeve me dashje, por shifrat e procedimeve të referuara prej tij tregojnë një tjetër realitet.
Sipas të dhënave të Prokurorisë së Përgjithshme, të cituara nga Balla, gjatë pesë viteve janë hetuar 211 çështje për zjarrvënie, ndërsa vetëm 18 persona janë gjetur fajtorë. Pjesa më e madhe e procedimeve, sipas tij, janë pushuar ose pezulluar.
Postimi i plotë
Policia e Shtetit ka ndaluar edhe dy zjarrvënës. Kodi Penal parashikon dënime të ashpra për zjarrvënien e pyjeve me dashje, deri në 20 vite burg. Por duket se DREJTËSIA SHQIPTARE ËSHTE DORËZUAR PËRPARA PIROMANËVE.
Në pesë vjet, referuar të dhënave të Prokurorisë Përgjithshme, u hetuan 211 çështje zjarrvënie, nga të cilat u gjetën fajtorë vetëm 18 persona. Shumica e çështjeve u pushuan dhe u pezulluan. Rasti më i fundit ishte zjarri tejet i madh në Krujë, i cili u vendos nën kontroll me mjaft vështirësi.
Në media lexova se me urdhër të prokurorisë personi i dyshuar u lirua sepse ndalimi i tij nga Policia u konsiderua I paligjshëm nga prokurori.
Ndoshta për shkak të moshës. Nëse drejtësia vazhdon me këtë ritëm, ku vetëm 1 në 12 raste zjarrvënie gjendet fajtor, dhe kur as ky 1 ndër 12 nuk bëhet shembull, zjarrfikësit nuk do t’ia dalin dot më