Një ngjarje e rëndë është shënuar mbrëmjen e së enjtes në zonën e “Urës së Vashës” në Klos, ku një 35-vjeçar ka humbur jetën pasi dyshohet se është hedhur nga ura.
Sipas informacioneve paraprake, viktima, banues në fshatin Bastar Murrize të Tiranës, kishte udhëtuar me automjetin e tij dhe e kishte ndaluar pranë urës, e cila ka një lartësi prej rreth 152 metrash.
Dyshohet se 35-vjeçari Dritan Lila nga Zall Bastari po përballej me probleme të rënda emocionale. Pak para ngjarjes, ai raportohet se i kishte dërguar një mesazh familjes, duke i lënë bashkëshortes një amanet për vajzën e tyre.
Pas marrjes së njoftimit, në vendngjarje kanë mbërritur shërbimet e policisë dhe grupi hetimor, të cilët kanë nisur punën për dokumentimin e plotë të rrethanave të ngjarjes.a.b
