Mbledhja që kryeministri Edi Rama dhe drejtuesit politikë të Partisë Socialiste po zhvillojnë në Pogradec ka vijuar me një pushim për drekën.
Në pamjet e siguruara nga takimi shfaqen disa prej drejtuesve socialistë, mes tyre Belinda Balluku dhe Ulsi Manja. Ky i fundit është parë duke u larguar me një pjatë në dorë, teksa pjesëmarrësit kanë marrë një pauzë nga diskutimet.
Pas përfundimit të drekës, mbledhja pritet të vijojë me diskutime të fokusuara te strategjia e komunikimit të Partisë Socialiste, daljet e përfaqësuesve të saj në media dhe mënyra e përdorimit të rrjeteve sociale.
Komunikimi politik dhe prezenca në media pritet të jenë ndër temat kryesore të diskutimeve mes kryeministrit Rama dhe drejtuesve politikë të PS-së gjatë takimit në Pogradec.