Policia e Shtetit ka publikuar momentet e arrestimit të Ergys Agasit. Në video duket aksioni i forcave të policisë për kapjen e Agasit, i cili ndodhej si pasagjer në automjetin e Uljan Shpatarakut. Ata u pikasën në Elbasan dhe më pas u kapën në zonën e Plepave në Durrës.
Agasi dhe Shpataraku kanë qenë duke qarkulluar me një makinë luksoze tip ”Audi”. Në momentin e arrestimit Agasi ka qenë me shapka, tuta të shkurtra dhe me bluzë të bardhë. Agasi, me flokë të prera shkurt, tjetër model nga imazhi publik që ai kishte pasur. Teksa shfaqet me prangat e Policisë në duar, vihet re që Agasi ka edhe një orë sportive të bardhë në dorë.
Shpataraku është arrestuar nën dyshimin për përkrahje të autorit të krimit. Arrestimi i Agasit është pjesë e një aksioni të lidhur me hetimet e SPAK, ndërsa pritet që në vijim të dalin detaje të tjera mbi rrethanat e operacionit dhe akuzat që rëndojnë ndaj personave të arrestuar.
I shpallur në kërkim nga SPAK, po ashtu Agasi është filmuar brenda furgonit të policisë, teksa transportohet drejt ambienteve të Policisë së Tiranës. Në foton e siguruar, ai shfaqet me pranga në duar dhe dukshëm i tensionuar. Sipas informacioneve, gjatë momentit të shoqërimit ka pasur edhe debate me efektivët e policisë.
40 km ndjekje nga Elbasani në Durrës
Një operacion i SPAK-ut dhe Policisë së Shtetit çoi në pranga Ergys Agasin, biznesmenin e shpallur në kërkim prej 8 muajsh për llogari të SPAK-ut, për dosjen me abuzimet me tenderët e AKSHI-t. Agasi ishte duke udhëtuar me një mjet tip Audi luksoz, nga Elbasani në drejtim të qytetit bregdetar të Durrësit, aty ku ka edhe vendbanimin. Forcat Operacionale dhe Policia e Durrësit e kishin pikasur makinën e Agasit që në qytetin e Elbasanit dhe e kanë ndjekur atë për të paktën 40 kilometra, deri në zonën e Plepave në Durrës. Aty u ndërhy për arrestimin e tij, ndërsa në makinë ndodhej po ashtu edhe ish-polici i shpallur në kërkim, Uljan Shpataraku.
Arrestimi
Agasi në makinën e Policisë së Shtetit
Këto janë pamjet nga momentet kur Ergys Agasi, i rrethuar nga gjashtë efektivë të Policisë, mbërrin në Drejtorinë e Policisë së Tiranës.
Në ambientet e Drejtorisë së Policisë së Tiranës kanë mbërritur edhe agjentët e BKH-së, të cilët do të ekzekutojnë masën e sigurisë ndaj Ergys Agasit.
Lexoni edhe:
Policia arreston Ergys Agasin në Durrës, SPAK e kërkon për dosjen e ”AKSHI-t”
Arrestimi i Agasit, reagimi i parë nga PD: Kishte mbrojtje shtetërore, cilat raporte u prishën?
Arrestimi i Agasit, Policia e Durrësit: Udhëtonte në të njëjtin mjet me Shpatarakun
”Arrestimi i Ergys Agasit është veç fillimi”, protestuesit: Duam Ramën dhe Berishën në burg
Arben Kola i drejtohet SPAK-ut pas arrestimit të Agasit: Mos bëni lojëra të dyfishta
Agasi lëvizte me automjet bashkë me ish-policin e shpallur në kërkim, u pikasën në Elbasan