Pas ceremonisë së kurorëzimit, ku këngëtarja e njohur Kida u drejtua drejt altarit e shoqëruar nga prindërit e saj, ajo dhe Ajbi përjetuan një tjetër moment të veçantë: vallëzimin e tyre të parë si çift i martuar.
Për këtë çast romantik, Kida zgjodhi të ndryshonte pamjen e saj, duke i lënë flokët e gjatë të lirë mbi supe. Ajo shkëlqeu me një fustan të bardhë, të strukturuar me korse dhe me një bisht të gjatë, të cilin e kompletoi me doreza sateni.
Në krah të saj, Ajbi u shfaq elegant në një kostum të zi klasik, të shoqëruar me papion. Çifti ndau këtë vallëzim në ambientet e vilës luksoze në Romë, e cila ishte zbukuruar me lule, qirinj dhe ndriçim në nuanca rozë. Nën duartrokitjet dhe emocionet e të ftuarve, Kida dhe Ajbi shijuan një nga momentet më të bukura të mbrëmjes së tyre.